Naceu en Cesures (    Pontevedra) no ano 1.951. Ao longo da súa infancia residiu en varios lugares de Galiza acompañando á súa familia  polos diversos destinos que seu pai, mestre, ía obtendo.  Con el aprenderá as primeiras letras e prepara  o ingreso no Bacharelato, que cusa no colexio Apóstol Santiago de Vigo e no INB da Estrada.

Estuda Maxisterio en Santiago de Compostela e  posteriormente a carreira de Xeografía e Historia, especialidade de historia. Elabora e defende a súa tese de licenciatura  “Reconstrucción demográfica de una parroquia rural gallega. Guimarei, A Estrada-Pontevedra, 1.700-1.850   ”, obtendo a máxima cualificación do Tribunal.

Realiza e remata en Madrid os Cursos de doutoramento e prepara a Tese de Doutoramento no ámbito da demografía histórica so o título “   Los orígenes de la villa de A Estrada: aspectos demográficos y económicos”.

Exerce a súa carreira como docente no CPI “    Aurelio Marcelino Rey” de Cuntis, impartindo clases de Xeografía e Historia na ESO.

Na actualidade é Director do Museo “    Manuel Reimóndez Portela” da Estrada e coordinador editorial da publicación “    A Estrada, miscelánea histórica e cultural”, que  se vén editando dende o 1.998.

É autor de tres obras concernientes a diferentes itinerarios inseridos nunha ampla colección. Así comezou publicando ITINERARIO DIDÁCTICO POLO CONCELLO DA ESTRADA (   Vía Láctea, 1.986), ITINERARIO DIDÁCTICO POLO BAIXO MIÑO (   Vía Láctea, 1.987) e ITINERARIO DIDÁCTICO POLA BACÍA DO ULLA E PENÍNSULA DO BARBANZA (   Vía Láctea, 1.987). Cómpre salientar as súas colaboracións en diferentes publicacións colectivas, moi especialmente en prácticamente todos os números da revista “   A Estrada. Miscelánea histórica e cultural”, da que é o seu actual coordinador. Tamén colaborará en revistas como “   Gallaecia” e “   Brigantium”, e asimismo na “    VI Forxa Literaria” (    seminario de Estudios Deza, 2.003), e cunha ponencia no “   Encontro sobre educación ambiental en Galicia” (    Xunta de Galicia, 1.990). Cómpre termos moi presente que foi   o coordinador da obra homenaxe ao insigne estradense Manuel Reimóndez Portela titulada MANUEL REIMÓNDEZ PORTELA NA LEMBRANZA (   Ed. Do Castro, 1.996), onde tamén colaborou co artigo   “    A biblioteca de Castelao en Buenos Aires”.